Memleket basshysy Qasym-Jomart Toqaev «Qazaqstan temir joly» UK» AQ basqarma tóraǵasy Saýat Myńbaevty qabyldady, dep habarlaidy Aqorda.
Saýat Myńbaev Qasym-Jomart Toqaevqa «Qazaqstan temir joly» UK» aktsionerlik qoǵamynyń biyl atqarǵan jumysy jaiynda esep berdi. Basqarma tóraǵasynyń aitýynsha, 2020 jyldyń birinshi jartyjyldyǵynda júk ainalymy ótken jyldyń atalǵan kezeńimen salystyrǵanda 3,5%-ǵa artqan. Qazaqstan men Qytai arasyndaǵy júk tasymalynyń kólemi birshama ósken. Soǵan sáikes memleketaralyq bekettegi ótkizý qabiletin arttyrý sharalary qabyldanady.
«QTJ» UK» AQ basshysy pandemiianyń jolaýshylar tasymalyna áser etkenin atap ótti. Onyń aitýynsha, ótken jylmen salystyrǵanda jolaýshylar tasymalynyń kólemi eki esege azaiǵan. Soǵan qaramastan kompaniia jolaýshylarǵa qyzmet kórsetýdiń jańa standarttaryn engizip, jolaýshylar vagondarynyń parkin jańartyp jatyr.
Kezdesý sońynda Qazaqstan Prezidenti birqatar naqty tapsyrma berdi.
