Eldegi sanitarlyq-epidemiologiialyq ahýal jónindegi jumys keńesinde Prezident Qasym-Jomart Toqaev vaktsina saqtaý men tasymaldaýdyń tártibin qatań baqylaýdy júktedi, dep habarlaidy QazAqparat Aqordanyń Twitter-degi paraqshasyna silteme jasap.
«Vaktsinalardy tasymaldaý men saqtaýdyń barlyq aspektilerin naqty qarastyrǵan jón. Ókinishke orai, sońǵy derekter barlyq óńirler bul jumysty durys qurmaǵanyn kórsetedi», - degen Memleket basshysy vaktsina durys saqtalmasa, tiimdigi tómendeitinin eskertti.
«Jekelegen óńirlerde vaktsinalardy saqtaýdyń temperatýralyq rejimin buzý faktileri anyqtaldy. Bul onyń áreketiniń tiimdiliginiń tómendeýine sebep boldy», - dedi Prezident.
