Memleket basshysy Jambyl oblysyndaǵy jumys saparyn mineraldy tyńaitqysh óndiretin zaýytty aralaýdan bastady, dep habarlaidy "Ult aqparat" Aqordaǵa silteme jasap.
Qazaqstan Prezidentine qysqa merzimde jyldyq qýaty 300 myń tonnadan 500 myń tonnaǵa deiin mineraldy tyńaitqysh shyǵaratyn tehnologiialyq júieniń jumysy týraly málimet berildi. Sonymen qatar, óndiris ornynda jergilikti shikizat paidalanylatyny, Qarataý qalasynyń fosfat shikizattary óńdeletini jóninde baiandaldy.
– Bul – himiia ónerkásibinde, sonyń ishinde sary fosfor óndirýge mamandanǵan halyqaralyq deńgeidegi jetekshi kásiporyn. Halyqaralyq naryqtarǵa óz taýarlaryńyzben shyǵýǵa osy artyqshylyqtaryńyz septigin tigizedi. Básekelestikke qabilettilikti odan ári arttyrý qajet, – dedi Qasym-Jomart Toqaev.
***
1951 jyly salynǵan bul kásiporynnyń negizgi qyzmeti – himiia ónerkásibi. Myńnan astam adamdy jumyspen qamtyp otyrǵan zaýytta ortasha jalaqy mólsheri – 148 myń teńgeden asady. Kásiporynnyń ónimderi Eýropalyq odaq elderine, AQSh, Qytai, Japoniia jáne Birikken Arab Ámirlikterine eksporttalady.
