Foto: Aqorda
Qasym-Jomart Toqaev Higgsfield AI startapynyń tehnikalyq direktory Erzat Dýlatpen jáne MA7 Ventures venchýrlik platformasynyń negizin qalaýshy Murat Ábdirahmanovpen kezdesip, jasandy intellektini ekonomikaǵa, memlekettik basqarý isine jáne áleýmettik salaǵa júieli túrde engizý, sondai-aq IT-kásipkerlikti, venchýrlik jáne AI-indýstriiany damytý máselelerin talqylady.
Prezident Higgsfield AI startapynyń jetistigin joǵary baǵalap, elimizde jasandy intellekt salasynda jahandyq kóshbasshy sanalatyn kompaniianyń qurylýy zor tabys ekenin aitty.
Memleket basshysynyń aitýynsha, Qazaqstan IT salasyndaǵy kompaniialar tez arada iske qosylyp, qarqyndy túrde damyp, álemdik naryqqa shyǵatyn alańǵa ainalýy qajet. Bul – negizgi mindet.
