Foto: Polisia.kz
Memleket basshysy «Qazaqfilm» AQ tóraǵasy Azamat Satybaldyny qabyldady, - dep habarlaidy "Ult aqparat" Aqordanyń baspasóz qyzmetine silteme jasap.
Kezdesýde otandyq kinematografiiany jáne jalpy mádeniet salasyn damytý máseleleri talqylandy.
Azamat Satybaldy Prezidentke «Qazaqfilm» qyzmetindegi túitkildi máseleler týraly baiandap, kinostýdiianyń statýsyn kóterýge qatysty usynystaryn jetkizdi.
Qasym-Jomart Toqaev «Qazaqfilmde» zamanynda otandyq kino óneriniń bir shoǵyr kórnekti ókilderi eńbek etkenin atap ótti.
Prezident kásibi kinogerlermen qatar, ulttyq intelligentsiia, azamattyq qoǵam ókilderiniń, aǵa býyn men jastardyń shyǵarmashylyq áleýetin jumyldyra otyryp, atalǵan salanyń qordalanǵan problemalaryn keshendi ári dáiekti túrde sheshý mańyzdy ekenine nazar aýdardy. Memleket basshysynyń pikirinshe, kino óndirisin kreativti indýstriianyń jeke sektory retinde qarastyrý kerek.
Memleket basshysy otandyq kinematografiiany odan ári damytý máselesi airyqsha baqylaýda bolatynyn aitty.
