Foto: Aqorda
Qasym-Jomart Toqaev elimizge resmi saparmen kelgen Slovakiia Premer-ministri Robert Fitsony Aqordada saltanatty túrde qarsy aldy, dep habarlaidy Ult.kz.
Memleket basshysy Qazaqstan men Slovakiiany tyǵyz yqpaldastyq bailanystyratynyn atap ótip, eki el iri jobalardy júzege asyryp jatqanyn aitty. Degenmen tiisti deńgeide zerdelep jáne bolashaqta qolǵa alatyn jańa baǵyttar da bar bolýy múmkin ekenin tilge tiek etti.
"Sondyqtan Sizdiń bul saparyńyzǵa erekshe mán beremiz, sondai-aq eki el arasyndaǵy yntymaqtastyqty damytýǵa yqpal etedi degen senimdemiz. Sizdiń elińizben qarym-qatynasty joǵary baǵalaimyz jáne Slovakiiany Qazaqstannyń Eýropa Odaǵyndaǵy negizgi seriktesteriniń biri sanaimyz. Sol sebepti, men Prezident retinde memleketterimiz arasyndaǵy yqpaldastyqty túrli salada keńeitý úshin bar kúsh-jigerimdi salamyn", – dedi Memleket basshysy.
Óz kezeginde Robert Fitso prezidentke qonaqjailyq tanytqany úshin zor rizashylyǵyn bildirdi.
"Elderimizdiń saiasi ustanymynda alshaqtyq joq ekenin rastaimyn. Sondyqtan ózara tiimdi ekonomikalyq bailanys pen dostyqqa basa mán berýimiz kerek. Búgin biz qos tarapqa da qyzyqty ári mańyzdy birneshe jobany talqylaimyz. Bul saparymnyń qorytyndysy tabysty bolatynyna senimdimin", – dedi Slovakiia Premer-ministri.
