Memleket basshysy Qasym-Jomart Toqaev biýdjetti josparlaýdy jaqsartý keregin aitty, - dep habarlaidy Tengrinews.kz.
"Kiris pen shyǵystyń edáýir bóligin jergilikti deńgeige bólýge bolady, bul rette olardy iske asyrý úshin suranysty qatańdatý qajet. Osydan keiin ǵana jergilikti biliktiń túpki nátijege jetý úshin róli men jaýapkershiligi artady", - dedi Prezident Úkimettiń keńeitilgen otyrysynda.
Ol jańa salyq-biýdjet saiasaty qarjy-ekonomikalyq fýnktsiialardy aimaqtardyń paidasyna barynsha bólýi tiis ekenin atap ótti.
"Qazirdiń ózinde biýdjetti josparlaý, biýdjetaralyq qatynastardy, baǵalaý júiesin jetildirý jóninde naqty tapsyrmalar berdim. Alaida nátije az. Qarjy ministrligine shaǵymym bar.
Strategiialyq josparlaý jáne reformalar jónindegi agenttikke óńirlermen jáne sarapshylyq qoǵamdastyqpen birlesip, aitylǵan barlyq basymdyq boiynsha praktikalyq reformalar paketin daiyndaýdy tapsyramyn. Reformalar azamattar men biznestiń múddesin tolyq kólemde qanaǵattandyrýy tiis", - dedi Toqaev.
