«Qarapaiym zattar ekonomikasy» baǵdarlamasy 2022 jyldyń sońyna deiin uzartylady, dep habarlaidy QazAqparat.
Bul týraly QR Prezidenti Qasym-Jomart Toqaev «Altyn sapa» syilyǵy jeńimpazdaryn quttyqtaý kezinde málim etti.
«Meniń tapsyrmam boiynsha «Qarapaiym zattar ekonomikasy» baǵdarlamasynyń merzimi keminde 1 trln teńge mólsherindegi qormen 2022 jyldyń sońyna deiin uzartylady. Ekinshiden, memleket otandyq biznestiń kórshi elderdiń naryǵyna shyǵýy úshin osy zamanaýi infraqurylymdy dáiekti túrde damytyp keledi. «Qorǵas» halyqaralyq shekara mańy yntymaqtastyǵy ortalyǵy tabysty jumys isteýde. Osy jumys sheńberinde taǵy tórt transshekaralyq hab salý josparlanýda. Onyń ekeýin Reseimen shekarada jáne Ózbekstan men Qyrǵyzstan shekaralarynda bir-bir hab boi kóteredi. Bul tranzaktsiialyq shyǵyndardy azaitýǵa, kólik logistikasynyń tiimdiligin arttyrýǵa, sonyń nátijesinde eksportymyzdy ulǵaitýǵa múmkindik beredi», - dedi Prezident.
Atalmysh sharada Memleket basshysy «Paryz» baiqaýyna qatysýshylar biyl áleýmettik jobalarǵa 20 mlrd teńge jumsaǵanyn atap ótti.
«Otandyq kásipkerler men Qazaqstandaǵy halyqaralyq kompaniialar áleýmettik jaýapkershilik qaǵidasyn árdaiym berik ustanyp keledi. Olar indet kezinde elimizdiń densaýlyq saqtaý júiesine zor qoldaý kórsetti. Jalpy biylǵy «Paryz» baiqaýyna qatysýshylar áleýmettik jobalarǵa jáne qaiyrymdylyq sharalaryna 20 mlrd teńgege jýyq qarjy jumsady. Sonymen birge 7 000 jańa jumys ornyn ashty», - dedi Qasym-Jomart Toqaev.
