Memleket basshysy Qasym-Jomart Toqaev Nur-Sultan men Almaty qalalarynda karantin rejimin saqtaýdyń mańyzdylyǵyn atap ótti, dep habarlaidy QazAqparat.
«Eki negizgi qalada karantin rejimin qatań saqtaý – barshamyzǵa ortaq mindet. Bul indetke jaibaraqat, bei-jai qaraýǵa bolmaidy. Qoiylǵan talaptardy oryndaý qajet. Úkimet qysqa merzim ishinde azamattardy betperdemen jáne antiseptiktermen qamtamasyz etýi tiis», - dep jazdy Prezident Twitter-de.
Buǵan deiin habarlaǵanymyzdai, búgin Q.Toqaev koronavirýspen kúres jumysyn úilestiretin elordadaǵy Shuǵyl áreket etý ortalyǵyna bardy. Ortalyqtyń negizgi mindetteriniń biri – halyqqa shynaiy aqparat berý.
