Qazaqstan Prezidenti Qasym-Jomart Toqaev Ile-Alataýy memlekettik ulttyq tabiǵi parkine zańsyz berilgen jerlerdi qaitarýdy tapsyrdy, dep habarlaidy "Ult aqparat".
«Ile-Alataýy ulttyq parkiniń basshylyǵy jeke tulǵalarǵa jerdi zańsyz berýiniń, ýchaskelerdiń maqsatsyz qoldanylýynyń faktileri bar. Jeke tulǵalarǵa 20 gektardan astam 67 jer bóligi zańsyz berilgen. 58 jer teliminiń 24-i maqsatsyz paidalanylǵan. Ekologiia, geologiia jáne tabiǵi resýrstar ministrligine ákimdikpen birge árbir faktiniń mán-jaiyn anyqtap, zańsyz berilgen jerlerdi qaitarý boiynsha naqty sharalar qabyldaýdy tapsyramyn», - dedi Prezident Almatyny áleýmettik-ekonomikalyq damytýǵa arnalǵan otyrysta.
