Qasym-Jomart Toqaev óziniń Qytai Halyq Respýblikasyna jasaǵan eki kúndik memlekettik saparynyń barysynda Chjetszian provintsiiasyndaǵy Hanchjoý qalasyna keldi, dep habarlaidy "Ult aqparat" Aqordaǵa silteme jasap.
Qazaqstan Prezidenti Hanchjoýda álemdik naryqqa innovatsiialyq ónimderdi shyǵaratyn kóshbasshy «Hikvision» kompaniiasyna bardy.
Kompaniianyń Basqarma tóraǵasy Chen Tszýnnian Memleket basshysyna «Hikvision» kompaniiasynyń qyzmeti týraly aitty. Sonymen qatar, Orta Aziia boiynsha qolǵa alynǵan kommertsiialyq jobalardyń atqarylý jaiymen tanystyrdy.
Qasym-Jomart Toqaevqa kompaniianyń robototehnika salasynda, úlken derekterdi óńdeý, jasandy intelekt jáne zamanaýi tehnologiialar baǵytynda jasalǵan jumystaryn kórsetti.
