Memleket basshysy Respýblikalyq biýdjettiń atqarylýyn baqylaý jónindegi esep komitetiniń tóraǵasy Natalia Godýnovany qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaevqa Respýblikalyq biýdjettiń atqarylýyn baqylaý jónindegi esep komitetiniń jyl basynan beri atqarǵan jumystarynyń negizgi nátijeleri men Prezident tapsyrmalarynyń oryndalýy týraly esep berildi.
Qazaqstan Prezidentine jalpy sipattaǵy transfertterdi qalyptastyrý máselesi boiynsha Ulttyq ekonomika ministrliginde júrgizilgen tekserýdiń qorytyndylary jóninde baiandaldy.
Sonymen qatar kezdesý barysynda biýdjetaralyq qatynastar jáne óńirlik damýdyń ózekti problemalary talqylandy. Memleket basshysy atalǵan máseleni Reformalar jónindegi joǵary keńestiń otyrysynda qaraýǵa engizýdi tapsyrdy.
Kezdesý sońynda Natalia Godýnovaǵa birqatar naqty tapsyrma berildi.
