Elimizdiń batys óńiri senimdi elektr jelisimen qamtylýy tiis. Bul týraly búgin Atyraý oblysynyń áleýmettik-ekonomikalyq damý máseleleri jónindegi keńeste Memleket basshysy Qasym-Jomart Toqaev aitty, dep habarlaidy "Ult aqparat".
«Besinshi – óńirdiń turaqty energiiamen jabdyqtalýy. Bul máseleni sheshpei oblystyń tabysty damýy múmkin emes. Oblys elektr energiiasymen senimdi jáne tolyq kólemde qamtamasyz etilýi tiis. Ázirshe, bul baǵytta problemalar bar. Energetika jelisindegi apattyq irkilis Atyraý munai óndirý zaýytynyń toqtaýyna alyp keldi. Óz kezeginde bul janar-jaǵarmai naryǵyndaǵy ahýaldyń nasharlaýyna sebep boldy», - dedi Memleket basshysy.
Qasym-Jomart Toqaev óziniń tapsyrmasymen elimizdiń batys oblystary arasyndaǵy tranzittik bailanystardy kúsheitý jáne olardy Qazaqstannyń biryńǵai elektr júiesimen biriktirý syzbasy ázirlenip jatqandyǵyn atap ótti.
«Tolyqtai alǵanda, Úkimetten batys óńirdiń elektr jelisiniń senimdi jumys isteýin arttyrý boiynsha keshendi is-sharalardy qabyldaý talap etiledi», - dedi QR Prezidenti.
