Memleket basshysy Qasym-Jomart Toqaev Túrikmenstanǵa memlekettik sapary aiasynda «El esinde» memorialdy keshenine jáne «Qasietti Otan» mýzeiine bardy, dep habarlaidy Aqorda.
Qazaqstan Prezidenti Túrikmenstanǵa memlekettik sapary aiasynda 1881 jylǵy shaiqasty, 1941-1945 jyldardaǵy Uly Otan soǵysynda qaza tapqandardy jáne 1948 jylǵy Ashhabad jer silkinisiniń qurbandaryn eske alýǵa arnalǵan tarihi keshenge bardy. Keshende atalǵan oqiǵalarda qaza tapqandar men batyrlarǵa qoiylǵan eskertkishter, monýmentter bar.
«Qasietti Otan» mýzeiinde Memleket basshysyna Uly Otan soǵysyndaǵy áskeri oqiǵalardyń maketteri men jer silkinisiniń eksponattary tanystyryldy.
Qasym-Jomart Toqaev qurmetti qonaqtar kitabyna qoltańbasyn qaldyrdy.
