Prezident Qasym-Jomart Toqaevtyń tóraǵalyq etýimen «Aqorda» rezidentsiiasynda ekonomikalyq máseleler boiynsha keńes ótti, dep habarlaidy "Ult aqparat" Aqordaǵa silteme jasap.
Keńes barysynda biylǵy 7 aidaǵy elimizdiń áleýmettik-ekonomikalyq damý qorytyndylary qaraldy. Premer-Ministr Asqar Mamin, Ulttyq Bank Tóraǵasy Erbolat Dosaev, sondai-aq Eńbek jáne halyqty áleýmettik qorǵaý ministri Berdibek Saparbaev baiandama jasady.
Jiynǵa qatysýshylar otandyq taýar óndirýshilerdi qoldaý, áleýmettik mańyzy bar azyq-túlik taýarlary men tarifter baǵasynyń ósýin boldyrmaý, ataýly áleýmettik kómek taǵaiyndaý, kóp balaly otbasylardy turǵyn úimen qamtamasyz etý, sondai-aq jylytý maýsymy men jańa oqý jylyna daiyndyq máselelerin talqylady.
Memleket basshysy el ekonomikasynyń damýyna salmaqty serpin berý maqsatynda jańa tásilder usynýdyń airyqsha mańyzdylyǵyn atap ótip, bul úshin Úkimettiń, Prezident Ákimshiliginiń jáne sarapshylar qaýymdastyǵynyń úilesimdi jumysy qajet ekenine erekshe mán berdi.
Qasym-Jomart Toqaev kúndelikti máselelerge qatysty jedel sheshim usynýmen qatar aldymyzda halyqaralyq naryqtardaǵy teris úrdisterdi eskere otyryp, ekonomikanyń ortamerzimdi keleshektegi damý baǵdaryn aiqyndaý mindeti turǵanyn atap kórsetti.
Sońynda Prezident azamattardyń turmys sapasynyń tómendeýine jol bermeý úshin basty nazardy olardyń múddelerine, halyq aldyndaǵy barlyq áleýmettik mindettemelerdiń tolyq oryndalýyna aýdarý qajet ekenine basa mán berdi.
