Memleket basshysy Dúniejúzilik banktiń vitse-prezidenti Anna Berdemen onlain júiesinde sóilesti, dep habarlaidy Aqorda.
Qazaqstan Prezidenti elimizge jumys saparymen kelgen Dúniejúzilik banktiń Eýropa jáne Ortalyq Aziia óńiri boiynsha vitse-prezidenti Anna Berdemen video konferentsiia arqyly kezdesý ótkizdi.
Qasym-Jomart Toqaev pen Anna Berde Qazaqstan men Dúniejúzilik bank arasyndaǵy yntymaqtastyqtyń ózekti baǵyttaryn jáne aldaǵy ýaqyttaǵy kooperatsiianyń basymdyqtaryn talqylady.
Memleket basshysy Nur-Sultan qalasyna kelgen Anna Berdege iltipat bildirip, bul onyń Qazaqstan men Ortalyq Aziiaǵa jasaǵan alǵashqy sapary ekenin atap ótti.
«Biz Dúniejúzilik bankpen aradaǵy kópjyldyq seriktestikti joǵary baǵalaimyz. Osy ýaqyt aralyǵynda bank elimizge 6 milliard dollardan astam investitsiia quidy. Qazirgi tańda sizdermen birlesip, ártúrli 12 jobany, atap aitqanda, kólik, bilim berý, ekologiia jáne qarjy salalaryndaǵy bastamalardy júzege asyryp jatyrmyz», – dedi Qasym-Jomart Toqaev.
Memleket basshysy Dúniejúzilik banktiń Qazaqstandaǵy birqatar ekologiialyq máseleni sheshýge úles qosqanyn, sonyń ishinde, «Syrdariia ózeniniń arnasyn retteý jáne Soltústik Aral teńizin saqtap qalý» jobasynyń ekinshi kezeńine 1,5 milliard dollar kóleminde qarjylai qoldaý kórsetkenin aitty.
Osy rette Qasym-Jomart Toqaev ekologiialyq problemalardyń sheshilýine basa mán beretinin, «jasyl ekonomika» máselelerine jáne atalǵan saladaǵy yqpaldastyqty jeke baqylaýyna alýǵa daiyn ekenin jetkizdi.
Anna Berde Qasym-Jomart Toqaevqa kezdesýge múmkindik jasaǵany jáne Dúniejúzilik bankpen aradaǵy yntymaqtastyqty joǵary baǵalaǵany úshin rizashylyǵyn bildirdi. Sonymen qatar ol elimizde Qazaqstan Prezidentiniń basshylyǵymen júzege asyrylyp jatqan reformalardy qoldaitynyn aitty.
