QR Prezidenti Qasym-Jomart Toqaev biýdjetti qalyptastyrýdaǵy qadamdardy qaita qarastyrýdy tapsyrdy, dep habarlaidy "Ult aqparat" Aqordanyń baspasóz qyzmetine silteme jasap.
Talqylaý kezinde Qazaqstan Prezidenti Q.Toqaev qoldanystaǵy biýdjet teńdestirilmegenin jáne qaita formattaýdy talap etetinin atap ótti.
Osy oraida birinshi kezekti áleýmettik quramdaýysh bóligi ósip kele jatqanyn eskere otyryp, biýdjetti tolyqtyrý kózderin túrlendirý ári óristetý qajettigi aityldy.
«Ekinshiden, ol biýdjettiń «ónimsiz shyǵyndaryna» qatysty. Qajetsiz shyǵyndar óte kóp. Biz biýdjetke qatysty qatynasty túbegeili ózgertýimiz kerek», - dedi Prezident.
