Foto: Aqorda
Memleket basshysy birqatar zańdarǵa qol qoidy, dep habarlaidy Ult.kz.
Memleket basshysy «Qazaqstan Respýblikasynyń Ákimshilik quqyq buzýshylyq týraly kodeksine turǵyn úi-kommýnaldyq sharýashylyq máseleleri boiynsha ózgerister men tolyqtyrýlar engizý týraly» Qazaqstan Respýblikasynyń Zańyna qol qoidy.
Sonymen qatar, «Salyq jáne biýdjetke tólenetin basqa da mindetti tólemder týraly» Kodeksine (Salyq kodeksi) jáne ony qoldanysqa engizý máseleleri boiynsha zańdaryna ózgerister men tolyqtyrýlar engizý týraly» zańǵa jáne «Turǵyn úi-kommýnaldyq sharýashylyq, kásipkerlik jáne eksporttyq-kredittik agenttiktiń qyzmeti máseleleri boiynsha ózgerister men tolyqtyrýlar engizý týraly» Qazaqstan Respýblikasynyń Zańyna qol qoidy.
"Zań Jer, Kásipkerlik, Azamattyq protsestik, Áleýmettik jáne Sý kodeksterine, sondai-aq 23 zańǵa túzetýler engizdi.
Túzetýlerdiń birinshi blogy kóppáterli turǵyn úilerdi basqarý júiesin jetildirýge baǵyttalǵan.
Zań kóppáterli turǵyn úilerdi basqarýdyń jai seriktestik nysanyn joiyp, basqarýdyń eki túrin ǵana saqtady: MIB (menshik ieleri birlestigi) jáne TBB (tikelei birlesip basqarý).
Túzetýlerdiń ekinshi blogy salyq zańnamasyna engizilgen ózgeristerge bailanysty.
Zań, sonymen qatar, deklaratsiialaý máselelerinde quqyqtyq aiqyndyqty arttyrýǵa jáne Salyq kodeksiniń erejelerine silteme normalardy ózektendirýge baǵyttalǵan basqa da túzetýlerdi qamtydy", delingen habarlamada.
