Foto: twitter.com/FIDE_chess/
Prezident Qasym-Jomart Toqaev shahmattan blits boiynsha áielder arasynda álem chempiony atanǵan dańqty shahmatshy Bibisara Asaýbaevany quttyqtady, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy ekinshi ret qatarynan altyn medal ielengen Bibisaranyń jeńisi onyń asqan sheberligi men eren erik-jigerin taǵy bir ret pash etkenin atap ótti.
Onyń aitýynsha, álemdik saiystaǵy otandyq sportshylardyń osyndai eleýli jetistikteri elimizdi intellektýal ult retinde tanytyp, Qazaqstanda shahmat sportynyń dáriptelýine yqpal etedi jáne myńdaǵan jas órenderdi jigerlendiredi.
Sonymen qatar Qasym-Jomart Toqaev Bibisara Asaýbaevaǵa álemdik shahmat arenasynda jarqyn jeńisterge jete berýine tilektestik bildirdi.
