Qasym-Jomart Toqaev Jetisý óńirine jumys sapary barysynda Balqashtyń taiyzdaný máselesin kóterdi, - dep habarlaidy Tengrinews.kz agenttigi.
Prezidenttiń aitýynsha, sý qaýipsizdigine, ónerkásiptik lastanýǵa, ruqsat etilmegen tabiǵi poligondarǵa bailanysty aimaqtyń ekologiialyq problemalary alańdaýshylyq týǵyzady.
"Ýákiletti organdarǵa osy máselelerdi sheshýdi tapsyramyn. Osyǵan bailanysty Tekelidegi taý-ken baiytý kombinatyn ekologiialyq normalardy saqtai otyryp, tezirek iske qosý qajettiligi týyndap otyr.
Balqash kóliniń taiyzdaný máselesin sheshý oblystyń ǵana emes, búkil elimizdiń basty mindeti. Bul kóp kúsh jumsaýdy qajet etetin óte kúrdeli protsess. Barlyq josparlanǵan jumystar mamandandyrylǵan ǵylymi uiymdardy tarta otyryp, sapaly oryndalýy kerek", - dedi Memleket basshysy.
Prezident Balqash jaǵalaýyn kógaldandyrýdyń mańyzdylyǵyna da toqtaldy.
"Bul topyraq eroziiasyn azaityp, jerdiń shóleittenýin boldyrmaidy. Úilestirýdi Ekologiia ministrligi júzege asyrýy kerek. Biz jaǵalaý syzyǵyn neǵurlym utymdy damytýǵa kóship, syrtqy faktorlardyń teris áserin barynsha azaitýymyz kerek. Ýákiletti organdar Qytaimen kelissózderdi jalǵastyrýy kerek. Transshekaralyq Ile ózenin sýmen qamtamasyz etýdi qadaǵalańyzdar, biz Balqashtyń taiyzdanýyna jol bermeý úshin ózimizge bailanysty barlyǵyn jasaiyq", - dedi Memleket basshysy.
