قاسىم-جومارت توقاەۆ جەتٸسۋ ٶڭٸرٸنە جۇمىس ساپارى بارىسىندا بالقاشتىڭ تايىزدانۋ مەسەلەسٸن كٶتەردٸ, - دەپ حابارلايدى Tengrinews.kz اگەنتتٸگٸ.
پرەزيدەنتتٸڭ ايتۋىنشا, سۋ قاۋٸپسٸزدٸگٸنە, ٶنەركەسٸپتٸك لاستانۋعا, رۇقسات ەتٸلمەگەن تابيعي پوليگوندارعا بايلانىستى ايماقتىڭ ەكولوگييالىق پروبلەمالارى الاڭداۋشىلىق تۋعىزادى.
"ۋەكٸلەتتٸ ورگاندارعا وسى مەسەلەلەردٸ شەشۋدٸ تاپسىرامىن. وسىعان بايلانىستى تەكەلٸدەگٸ تاۋ-كەن بايىتۋ كومبيناتىن ەكولوگييالىق نورمالاردى ساقتاي وتىرىپ, تەزٸرەك ٸسكە قوسۋ قاجەتتٸلٸگٸ تۋىنداپ وتىر.
بالقاش كٶلٸنٸڭ تايىزدانۋ مەسەلەسٸن شەشۋ وبلىستىڭ عانا ەمەس, بٷكٸل ەلٸمٸزدٸڭ باستى مٸندەتٸ. بۇل كٶپ كٷش جۇمساۋدى قاجەت ەتەتٸن ٶتە كٷردەلٸ پروتسەسس. بارلىق جوسپارلانعان جۇمىستار مامانداندىرىلعان عىلىمي ۇيىمداردى تارتا وتىرىپ, ساپالى ورىندالۋى كەرەك", - دەدٸ مەملەكەت باسشىسى.
پرەزيدەنت بالقاش جاعالاۋىن كٶگالداندىرۋدىڭ ماڭىزدىلىعىنا دا توقتالدى.
"بۇل توپىراق ەروزيياسىن ازايتىپ, جەردٸڭ شٶلەيتتەنۋٸن بولدىرمايدى. ٷيلەستٸرۋدٸ ەكولوگييا مينيسترلٸگٸ جٷزەگە اسىرۋى كەرەك. بٸز جاعالاۋ سىزىعىن نەعۇرلىم ۇتىمدى دامىتۋعا كٶشٸپ, سىرتقى فاكتورلاردىڭ تەرٸس ەسەرٸن بارىنشا ازايتۋىمىز كەرەك. ۋەكٸلەتتٸ ورگاندار قىتايمەن كەلٸسسٶزدەردٸ جالعاستىرۋى كەرەك. ترانسشەكارالىق ٸلە ٶزەنٸن سۋمەن قامتاماسىز ەتۋدٸ قاداعالاڭىزدار, بٸز بالقاشتىڭ تايىزدانۋىنا جول بەرمەۋ ٷشٸن ٶزٸمٸزگە بايلانىستى بارلىعىن جاسايىق", - دەدٸ مەملەكەت باسشىسى.
