Atyraý oblysynyń áleýmettik-ekonomikalyq damý máseleleri jónindegi keńeste Memleket basshysy Qasym-Jomart Toqaev Ulttyq indýstrialdy munai himiiasy tehnoparki jumysyna syn aitty, dep habarlaidy "Ult aqparat".
«Oblys ekonomikasyn damytýdaǵy úlken úmit munai-gaz himiiasymen bailanysty. Bul jerde biz tym artta qalyp qoidyq. Al atalǵan sala – bul óńirdiń jáne búkil eldiń ekonomikasy bolashaǵynyń negizi. Buǵan qosa, «Ulttyq indýstrialdy munai himiiasy tehnoparki» arnaýly ekonomikalyq aimaq tiimdiligi kóptegen suraq týyndatyp otyr. AEA infraqurylmynyń qurylysy aiaqtalmaǵan. 2015 jyldan beri AEA-ny damytýǵa 162 mlrd teńge bólingen. Biraq, iske qosylǵany bir ǵana joba», - dedi Memleket basshysy.
QR Prezidentiniń atap ótýinshe, polipropilen men polietilen óndiretin iri jobalar áli kúnge deiin júzege asyrylmaǵan. Óitkeni, investorlar tabylmaǵan jáne satý naryqtary da aiqyndalmai otyr.
«Úkimet pen «Samuryq-Qazyna» qory bul jobalardyń júzege asyrylyn jedeldetýi tiis. Almasadam Maidanuly, munai-gaz himiiasy salasyndaǵy jobalardy qor jumysynyń basymdyǵy retinde qarastyrýdy ótinemin. Bul baǵyttaǵy barlyq jumysty erekshe baqylaýǵa alyńyz», - dedi Qasym-Jomart Toqaev «Samuryq-Qazyna» qorynyń basqarma tóraǵasy Almasadam Satqalievke qarata.
