Kásipkerlik nysandardyń Ashyq qosymshasyna tirkelýinde biýrokratiialyq kedergiler bar. Prezident Qasym-Jomart Toqaev sanitarlyq-epidemiologiialyq ahýal jónindegi jumys keńesinde osyndai prolema kóterdi, dep habarlaidy "Ult aqparat" Aqordanyń Twitter-degi paraqshasyna silteme jasap.
«Ashyq qosymshasynyń qamtý aiasyn keńeitý, onyń fýnktsionalyn jetildirý jáne jumysyn kúndelikti monitoringteý týraly umytýǵa bolmaidy. Bul júieniń operatory «Atameken» ulttyq kásipkerler palatasy bolǵanyna qaramastan, kásipkerlik nysandardy Ashyq-ty paidalanýshylar tizimine qosý óte uzaq biýrokratiialyq protsess ekeni týraly aqparattar bar», - dedi Prezident.
Osyǵan bailanysty Memleket basshysy Úkimetke Ashyq júiesindegi obektilerdiń tizimine qosý talaptaryn ońailatý jaǵyna qarai qaita qaraý qajettigin aitty.
«Memleket Ashyq jáne ózge de tsifrlyq quraldardy paidalanatyn biznes nysandaryn qoldaýǵa tiis. Ekinshi jaǵynan, mundai monitoring sharalaryn elemeitin kásipkerlerdi qatań jazalaý kerek. Bul másele ákimderdiń erekshe baqylaýynda bolýy kerek» - dedi Qasym-Jomart Toqaev.
