Memleket basshysy Qostanai oblysynyń ákimi Arhimed Muhambetovti qabyldady, dep habarlaidy "Ult aqparat" Aqordaǵa silteme jasap.
Prezidentke óńirdegi astyq jinaý jumystaryna daiyndyq barysy, agroónerkásip kesheniniń damýy, sondai-aq mashina jasaý salasyndaǵy investitsiialyq jobalardyń júzege asyrylýy jóninde málimet berildi.
Qasym-Jomart Toqaev astyq jinaý naýqanyn ýaqtyly júrgizýdiń jáne tuqym qoryn daiyndaýdyń mańyzdylyǵyn, sondai-aq turǵyn úi qurylysynyń qarqynyn arttyrý jáne Qostanaidaǵy aeroportty qaita jóndeý qajettigin aitty.
Memleket basshysy A.Muhambetovke Arqalyq qalasynyń jylýmen qamtý júiesin qaita jóndeý jóninde usynys berýdi tapsyrdy.
