Memleket basshysy Qasym-Jomart Toqaev Almatyǵa jasaǵan jumys sapary aiasynda qalanyń Indýstriialyq aimaǵynda ornalasqan energiia únemdeitin sáýlettik qasbetter shyǵaratyn zaýyt - «KSM Tehnovid» JShS-nyń jumysymen tanysty, dep habarlaidy QazAqparat Aqordaǵa silteme jasap.
Prezidentke kásiporynnyń ónimderi tanystyrylyp, qurylys materialdary óndirisiniń tehnologiialyq protsesi kórsetildi. Munda 250-den astam adam jumys isteidi. Kompaniianyń jobaǵa salǵan jeke investitsiiasy 3,8 milliard teńge. Zaýyttyń qýattylyǵy jylyna 475 myń sharshy metr shynypaket shyǵarýǵa jetedi.
Sondai-aq Memleket basshysyna Almaty indýstriialyq aimaǵynyń jaǵdaiy men damý perspektivalary týraly aityldy. Munda jyl aiaǵyna deiin quny 85 milliard teńge bolatyn 10 jobany júzege asyrý josparlanyp otyr.
