Foto: adyrna.kz
Qazaqstan Prezidenti Qasym-Jomart Toqaev Tokioda dáris oqyp, Almatyda BUU ýniversitetiniń óńirlik filialyn qurýdy usyndy, dep habarlaidy Ult.kz.
Memleket basshysy Qazaqstannyń halyqaralyq arenadaǵy abyroiy el ishindegi jetistikterimen tikelei bailanysty ekenin jetkizip, tiimdi diplomatiianyń ózeginde jaýapty ishki saiasat jatqanyn aitty.
"Men bilimniń jáne halyqaralyq deńgeidegi akademiialyq yqpaldastyqtyń damýyna airyqsha mán beremin. Ásirese, álemniń ózgerýin jedeldetetin bastamalardy qoldaimyn. Bul basymdyqtar BUU ýniversitetiniń missiiasyna tolyq sai keledi. Biyl Qazaqstanda Ortalyq Aziia jáne Aýǵanstanǵa arnalǵan BUU ornyqty damý ortalyǵy ashyldy. Qazaqstan osy alańnyń negizinde Almatyda BUU ýniversitetiniń óńirlik filialyn qurýǵa ázir. Onyń qyzmetin, eń aldymen, sý jáne klimat qaýipsizdigi, qaqtyǵystardy retteý, bitimgerlik, ornyqty damý men jasandy intellektini basqarý máselelerine baǵyttaýǵa bolady", – dedi Qasym-Jomart Toqaev.
Memleket basshysy Qazaqstannyń BUU ýniversiteti men elimizdegi jetekshi joǵary oqý oryndary arasynda birlesken zertteý júrgizý, akademiialyq tájiribe almasý jáne maman daiarlaý boiynsha institýtsionaldyq seriktestikti odan ári nyǵaitýǵa múddeli ekenin jetkizdi.
