Qazaqstan Prezidenti Qasym-Jomart Toqaev áleýmettik salaǵa jaýapty qurylym qyzmetkeleriniń óz jumysyn talapqa sai atqara almai otyrǵandyǵyn aitty.
Bul máseleni Prezident Almaty qalasyn odan ári damytý máseleleri jóninde ótken keńes barysynda qozǵady, dep habarlaidy "Ult aqparat".
Memleket basshysy jiyn barysynda sóilegen sózinde áleýmettik salaǵa erekshe nazar aýdardy.
Prezident erekshe kútimge muqtaj jandardy qoldaýdyń jáne olarǵa barynsha qolaily orta qalyptastyrýdyń mańyzdylyǵyn jetkizip, ony memlekettiń áleýmettik saladaǵy basty mindetteriniń biri dep atap ótti.
Memleket basshysy bul baǵytta qala ákimdigi men jaýapty qurylymdar óz jumysyn tiimdi atqarmai otyrǵanyn tilge tiek etti.
Osyǵan orai qala ákimdigine muqtaj jandardy ońaltý jabdyqtarymen qamtamasyz etý jónindegi is-sharalar josparyn ázirleýdi, sondai-aq, áleýmettik jáne basqa da nysandardy tiisti standartqa sáikestendirýdi tapsyrdy.
Prezident ákimdikke mekteptegi, balabaqshadaǵy oryn tapshylyǵyn kezeń-kezeńimen azaitýdyń josparyn jasaý týraly tapsyrma berdi. Bul jobalardy iske asyrýda memlekettik-jekemenshik áriptestiktiń múmkindikterin keńinen paidalaný qajettigin eske saldy.
– Byltyr eki-aq jańa mektep boi kóterdi. Bes mekteptiń janynan qosymsha ǵimarat salyndy. Oryn sany bar-joǵy tórt myńǵa kóbeidi. Sonymen birge nebári 670 oryndyq tórt balabaqsha ashyldy. Eki million turǵyny bar qala úshin munyń qai-qaisysy da jetkiliksiz, – dedi Memleket basshysy.
