قازاقستان پرەزيدەنتٸ قاسىم-جومارت توقاەۆ ەلەۋمەتتٸك سالاعا جاۋاپتى قۇرىلىم قىزمەتكەلەرٸنٸڭ ٶز جۇمىسىن تالاپقا ساي اتقارا الماي وتىرعاندىعىن ايتتى.
بۇل مەسەلەنٸ پرەزيدەنت الماتى قالاسىن ودان ەرٸ دامىتۋ مەسەلەلەرٸ جٶنٸندە ٶتكەن كەڭەس بارىسىندا قوزعادى, دەپ حابارلايدى "ۇلت اقپارات".
مەملەكەت باسشىسى جيىن بارىسىندا سٶيلەگەن سٶزٸندە ەلەۋمەتتٸك سالاعا ەرەكشە نازار اۋداردى.
پرەزيدەنت ەرەكشە كٷتٸمگە مۇقتاج جانداردى قولداۋدىڭ جەنە ولارعا بارىنشا قولايلى ورتا قالىپتاستىرۋدىڭ ماڭىزدىلىعىن جەتكٸزٸپ, ونى مەملەكەتتٸڭ ەلەۋمەتتٸك سالاداعى باستى مٸندەتتەرٸنٸڭ بٸرٸ دەپ اتاپ ٶتتٸ.
مەملەكەت باسشىسى بۇل باعىتتا قالا ەكٸمدٸگٸ مەن جاۋاپتى قۇرىلىمدار ٶز جۇمىسىن تيٸمدٸ اتقارماي وتىرعانىن تٸلگە تيەك ەتتٸ.
وسىعان وراي قالا ەكٸمدٸگٸنە مۇقتاج جانداردى وڭالتۋ جابدىقتارىمەن قامتاماسىز ەتۋ جٶنٸندەگٸ ٸس-شارالار جوسپارىن ەزٸرلەۋدٸ, سونداي-اق, ەلەۋمەتتٸك جەنە باسقا دا نىسانداردى تيٸستٸ ستاندارتقا سەيكەستەندٸرۋدٸ تاپسىردى.
پرەزيدەنت ەكٸمدٸككە مەكتەپتەگٸ, بالاباقشاداعى ورىن تاپشىلىعىن كەزەڭ-كەزەڭٸمەن ازايتۋدىڭ جوسپارىن جاساۋ تۋرالى تاپسىرما بەردٸ. بۇل جوبالاردى ٸسكە اسىرۋدا مەملەكەتتٸك-جەكەمەنشٸك ەرٸپتەستٸكتٸڭ مٷمكٸندٸكتەرٸن كەڭٸنەن پايدالانۋ قاجەتتٸگٸن ەسكە سالدى.
– بىلتىر ەكٸ-اق جاڭا مەكتەپ بوي كٶتەردٸ. بەس مەكتەپتٸڭ جانىنان قوسىمشا عيمارات سالىندى. ورىن سانى بار-جوعى تٶرت مىڭعا كٶبەيدٸ. سونىمەن بٸرگە نەبەرٸ 670 ورىندىق تٶرت بالاباقشا اشىلدى. ەكٸ ميلليون تۇرعىنى بار قالا ٷشٸن مۇنىڭ قاي-قايسىسى دا جەتكٸلٸكسٸز, – دەدٸ مەملەكەت باسشىسى.
