Foto: Gov.kz
Zańnyń maqsaty – jańa óndirister qurý, jumys istep turǵan kásiporyndardy keńeitý, básekege qabiletti akvasharýashylyq nysandaryn kóbeitý, sondai-aq qorshaǵan ortaǵa jáne adam ómiri men densaýlyǵyna qaýipsiz etý arqyly akvasharýashylyqty turaqty damytý, dep habarlaidy Ult.kz.
Qujatqa jańa óndiristerdi qurý jáne jumys istep turǵan kásiporyndardy keńeitý maqsatynda investitsiialyq jobalardy ǵylymi súiemeldeý engizildi. Sonyń nátijesinde biýdjet qarajaty esebinen bizneske aqparattyq-taldamalyq jáne ǵylymi-ádistemelik qoldaý kórsetiledi.
Sondai-aq Zańda sýbsidiialaý, jeńildikpen nesieleý, saqtandyrý, salyq preferentsiialary, injenerlik-kommýnikatsiialyq infraqurylymmen qamtamasyz etý jáne basqa da memlekettik qoldaý sharalary kózdelgen.
Zańda akvasharýashylyq sýbektileri júzege asyratyn qyzmet túrleri, sondai-aq balyq sharýashylyǵy sý aidyndary men osyndai qyzmetti júzege asyrýǵa arnalǵan ýchaskeler (halyqaralyq, respýblikalyq jáne jergilikti) naqty bólingen.
Sý biologiialyq resýrstaryna jáne olardyń tirshilik etý ortasyna ziian keltirmeý úshin Zańda balyq sharýashylyǵy sý aidyndaryn utymdy paidalanýdyń negizgi qaǵidaty belgilengen.
Sonymen qatar akvasharýashylyq salasyna memlekettik baqylaý engizildi. Bul janýarlar dúniesin qorǵaý, onyń ósimin molaitý jáne paidalaný baǵytyndaǵy baqylaýdyń bir bóligi sanalady.
Zańnyń mátini baspasózde jariialanady.
