Memleket basshysy Qasym-Jomart Toqaev Amerika Qurama shtattaryna jumys saparymen bardy, dep habarlaidy "Ult aqparat" 24.kz silteme jasap.
QR Prezidenti Niý-Iorkte ótetin Birikken ulttar uiymy Bas assambleiasynyń 74-sessiiasyna qatysady. Sapar 5 kúnge jalǵasady dep josparlanyp otyr. Onyń aiasynda kóptegen shet memleketterdiń basshylarymen eki jaqty kezdesýler ótedi.
Odan bólek Qasym-Jomart Toqaevtyń BUU-nyń Bas hatshysy Antoniý Gýterrishpen, birqatar memleket jáne Úkimet basshylarymen, halyqaralyq uiym jetekshilerimen, amerikalyq biznes, transulttyq kompaniia ókilderimen, AQSh-tyń saiasi ári sarapshy top múshelerimen kezdesýi josparlanǵan.
Aita keteiik, Prezidenttiń AQSh-qa kelýi qarsańynda amerikalyq bedeldi basylym «The Hill» gazetinde onyń maqalasy jaryq kórdi.
