Memlekettik qyzmetshilerge jumys ornynda smartfon ustaýǵa ruqsat berý jóninde Úkimetke usynys engizilmek. Bul týraly elordadaǵy «Tsifrlyq kúz» sharasynan keiin tilshilerge bergen suhbatynda QR Tsifrlyq damý, innovatsiialar jáne aeroǵarysh óndirisi ministri Asqar Jumaǵaliev málim etti, dep habarlaidy "Ult aqparat".
«Biz bul qujatty Úkimetke engizemiz. Bekitkennen keiin smartfondarǵa qatysty suraqtardyń bári (memqyzmetshilerdiń smartfondardy jumys ornyna kirgizýi týraly – avt.) retteler degen oidamyn. Iaǵni, smartfondardy paidalanýǵa ruqsat beriledi. Úkimet qaýlysy (jobasy) qazirgi ýaqytta barlyq memlekettik organdarmen maquldanyp jatyr. Memorgandardyń basym bóligi smartfondardy kirgizýge daýys berdi. Osydan keiin usynysty qujat retinde Úkimetke engizemiz», - dedi ol.
Ministr Úkimet qaýlysy shyqqannan keiin ǵana norma kúshine enetinin málim etti.
