QR Prezidenti janyndaǵy Memlekettik basqarý akademiiasynyń rektory Fatima Jaqypova smartfonǵa ruqsat berý týraly aityp berdi, dep xabarlaidy "Ult aqparat".
"Atalǵan máseleniń talqylanyp jatqanyna biraz ýaqyt boldy. Oǵan qatysty san alýan usynystar bar. Bilýimizshe, qyrkúiek aiynda memlekettik qyzmetshilerge smartfon ustaýǵa ruqsat beredi degen málimet bar. Biraq ol naqty málimet pe? Ol jaǵyn aita almaimyn. Qazirgi kezde ol másele qaralyp jatyr. Sol jaǵy anyq", - dedi F.Jaqypova Astanada ótken baspasóz máslixatynda.
Onyń aitýynsha, memlekettik qyzmette smartfondarǵa shekteý qoiý tájiribesi shetelde de bar. Máselen, "Apple" korporatsiiasy smartfonǵa qatysty birqatar shekteýler engizgen. Sol siiaqty Ulybritaniianyń memlekettik organdarynda smartfonnyń keibir fýnktsiialaryn óshirip tastaidy.
"Búginde tsifrlyq texnologiialar qarqyndy damyp keledi. Sondyqtan Memlekettik qyzmet isteri jáne sybailas jemqorlyqqa qarsy is-qimyl agenttigi jańa texnologiialardy qoldanýǵa basymdyq berip keledi. Qazirgi kezde tsifrlyq kýálik jasalyp jatyr. Akademiia men agenttik bir ǵimaratta otyrǵannan keiin jańa texnologiialardy engizýdi birge pysyqtap jatyrmyz", - dep atap kórsetti F.Jaqypova.
