Soltústik Qazaqstan oblysynda bilim berý bóliminiń qyzmetshileri tabysy tómen otbasylardyń balalaryna arnalǵan noýtbýkterdi jymqyrdy degen kúdikke ilikti. Bul týraly QR Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov málim etti, dep habarlaidy QazAqparat.
«Soltústik Qazaqstan oblysy boiynsha Syibailas jemqorlyqqa qarsy qyzmet tarapynan oblys aýdandarynyń birindegi ákimdiktiń bilim berý bóliminiń qyzmetshilerine qatysty sotqa deiingi tergeý bastaldy. Olar aýdandaǵy az qamtylǵan otbasylardaǵy mektep oqýshylaryna pandemiia kezinde Úkimet rezervi esebinen Bilim basqarmasy satyp alǵan noýtbýkterdiń bir bóligin jymqyrý kúdigine ilikti», - dedi D. Bekaidarov onlain rejimdegi brifingide.
Osy qylmystyń saldarynan memleketke keltirilgen shyǵyn 12 mln teńgeden asyp tústi.
«Tergeý múddesine bailanysty istiń mán-jaiy jariialaýǵa jatpaidy. Is boiynsha tiisti sheshim tergeý amaldaryn júrgizý nátijesi boiynsha qabyldanady», - dedi ol.
