QR Premer-Ministri Asqar Mamin QR Prezidenti janyndaǵy Ekonomikalyq ósimdi qalpyna keltirý jónindegi memlekettik komissiianyń otyrysyn ótkizdi, dep habarlaidy "Ult aqparat" Úkimettiń baspasóz qyzmetine silteme jasap.
Memleket basshysy Qasym-Jomart Toqaevtyń biylǵy jylǵy 1 sáýirdegi keńeste bergen tapsyrmalaryn oryndaý jónindegi sharalar qaraldy. Zardap shekken salalardaǵy shaǵyn jáne orta biznes sýbektilerin qoldaýdyń qosymsha sharalary týraly Ulttyq ekonomika ministri Áset Erǵaliev, Qarjy ministri Erulan Jamaýbaev, QR Qarjy naryǵyn retteý jáne damytý agenttiginiń tóraǵasy Mádina Ábilqasymova, «Atameken» UKP Basqarma tóraǵasy Abylai Myrzahmetov, Premer-Ministrdiń birinshi orynbasary Álihan Smaiylov baiandady.
2020 jyldan bastap ulttyq ekonomikadaǵy qalpyna keltirý serpinin qamtamasyz etý maqsatynda kásipkerlik sektordy qoldaýdy, jumyspen qamtýǵa járdemdesýdi, AÓK áleýetin ashýdy, turǵyn úi-kommýnaldyq, kólik, áleýmettik jáne saýda infraqurylymyn damytýdy, jedeldetilgen tsifrlandyrýdy qamtamasyz etýdi kózdeitin daǵdarysqa qarsy sharalardyń birneshe toptamasy qabyldandy.
Biyl naýryz aiynda kásipkerlerge júrgizilgen saýalnama nátijeleri negizinde 4 baǵyt: bizneske júktemeni azaitý, qarjylandyrýǵa, suranys naryqtaryna jáne sapaly adam resýrstaryna qoljetimdilikti keńeitý boiynsha 24 sharadan turatyn jańa toptama bekitildi.
Memleket basshysynyń tapsyrmasyn oryndaý úshin iskerlik belsendilikti yntalandyrý boiynsha qosymsha sharalar toptamasy ázirlendi, ol 2021 jylǵy 1 sáýir men 1 shilde aralyǵynda zardap shekken salalardaǵy ShOB sýbektileriniń eńbekaqy tóleý qorynan barlyq salyqtar men tólemderdi tóleýin keiinge qaldyrýdy (118 EQJJ), bank zaimdary men shaǵyn nesieni tóleýin keiinge qaldyrýdy (346 EQJJ), sondai-aq salyqtyq jáne kedendik bereshekti májbúrlep óndirip alý sharalaryn toqtata turýdy qamtidy. Budan basqa, taýarlardyń ilespe qujattary men elektrondyq shot-faktýralaryn rásimdeý boiynsha pilottyq jobany iske asyrýdy 2021 jylǵy 1 shildeden 1 qazanǵa aýystyrý týraly sheshim qabyldandy.
Ekonomikanyń neǵurlym zardap shekken sektorlaryndaǵy ShOB nesieleri boiynsha paiyzdyq mólsherlemelerdi sýbsidiialaý kezeńi (93 EQJJ) 2021 jylǵy 1 shildege deiin uzartylady.
Premer-Ministr biylǵy jyldyń 12 sáýirine deiin Úkimetke biznesti salyqtyq yntalandyrý boiynsha zańnamalyq túzetýlerdiń tiisti paketin engizýdi tapsyrdy. «Barlyq zańnamalyq bastamalar Parlamenttiń aǵymdaǵy sessiiasy jumysynyń sońyna deiin iske asyrylýy tiis», — dedi Mamin.
