Memlekettik hatshy Qyrymbek Kósherbaev Almatyda ótken jiyn barysynda el Prezidenti Joldaýda belgilegen mindetter aiasynda negizgi murattardy aiqyndady, dep habarlaidy QazAqparat.
«Pandemiiaden keiingi kezeńde qazaq qoǵamynyń aldyna eńbek muraty shyǵýy tiis. Bul - bizdiń birinshi muratymyz. Álemdegi ozyq memleketterdiń qai-qaisysy da damýdyń biik shyńyna tek eńbek arqyly jetkenin esten shyǵarmaǵan abzal. Sondyqtan biz irgeli el bolamyz desek, eńbeksiz eshqandai tabysqa jete almaitynymyzdy este ustaǵanymyz jón.
Ekinshi murat. Álem jurtshylyǵyn ábigerge salǵan indet kezinde biz neniń qajet, neniń qajet emes ekenin tolyq túsingen tárizdimiz. Osy oraida qalyń eldiń aldyna densaýlyq muraty shyǵady. Ár azamat shiraq ta sergek bolýdyń barlyq amaldaryn jasaýy kerek. Bul turǵyda irgedegi Qytai eliniń jappai densaýlyq saqtaý baǵytyndaǵy is-qimyl, kúndelikti jattyǵý amaldarynan úirený artyq etpeidi.
Úshinshi murat – bilim muraty. Bilimdi bolý úshin kóp oqý kerek. Osy rette Qazaqstanda kitap kýltin jasaý isi óte mańyzdy. Álemniń ozyq elderinde kitap oqý memlekettik deńgeidegi mártebeli mindet sanalady. Ókinishke qarai, qazir bizdiń jastarymyz, ásirese óskeleń urpaq tek smartfon paraqshalaryn qyzyqtaýdan aryǵa bara almai otyr. Mundai ýaqytty «bosqa óltirý» amaldarynan tezirek arylý kerek», - dedi ol.
Memlekettik hatshy ziialy qaýym ókilderinen jastardyń boiyna eńbek, densaýlyq, bilim murattaryn sińirý, dúniejúzilik pandemiia tusynda jáne odan keiingi kezeńde halyqtyń eńbekke degen qulshynysyn arttyrý, salaýatty ómir saltyn ustaný, kitap oqýǵa yntalandyrýdyń qazirgi zamanǵy tásilderi men tehnologiialaryn qalyptastyrý boiynsha usynystar engizýlerin surady.
«Sizderden jinaqtalǵan usynystardy biz «Rýhani jańǵyrý» baǵdarlamasyn iske asyrý jónindegi ulttyq komissiia otyrysynyń kún tártibine, baiandamasyna jáne hattama jobasyna engizemiz. El damýyna qatysty kez kelgen utymdy usynys pen ornyqty oi jerde qalmai, mindetti túrde júzege asatynyn airyqsha atap ótkim keledi», - dedi Q.Kósherbaev.
