«Tabiǵat» ekologiialyq qoǵamynyń kóshbasshysy Mels Eleýsizov Prezident sailaýyna túsýge daiyn ekenin málim etti. Bul týraly ol KTK arnasyna bergen suhbatynda aitty.
«Sailaýǵa ózim baramyn. Qazir ótkizbese, bireýdiń komandasyna qosylamyn. Eshteńege qaramastan, qatysamyn. Ózim úgit-nasihat júrgizemin. Qoldan kelse, el aralaimyn. Meni toqtatpaýǵa keńes beremin. Meniń zańdy quqyǵym bar. Tipti, zań ózgerse de... Men qoǵamdyq birlestikti basqaramyn. Ol 90-jyldardyń basynda tirkelgen Qazaqstandaǵy eń alǵashqy tanymal birlestik», - deidi Eleýsizov.
Mels Eleýsizov Qazaqstan prezidenti sailaýyna eki márte tústi: 2005 jyly 0,28% daýys jinasa, al 2011 jyly – 1,15%. 2011 jylǵy sailaýda ol Nursultan Nazarbaevqa daýys berip, jýrnalisterge biýlletenin kórsetken edi.
Aita keteiik, Qazaqstanda kezekten tys prezident sailaýy 2019 jyldyń 9 maýsymynda ótedi Bul týraly 9 sáýir kúni prezident Qasym-Jomart Toqaev málim etti. Ol sailaýdyń ashyq jáne ádil ótýine kepil berdi.
