Elordanyń bes mektebinde 0 jáne 1 synyp oqýshylary úshin latyn grafikasyn engizý boiynsha aprobtsiia júrgiziledi. Bul týraly bilim jáne ǵylym ministri Erlan Saǵadiev málimdedi, dep habarlaidy Sputnik Qazaqstan.
"Eksperiment aiasynda birneshe nusqa daiyndaldy, birneshe mektep irikteldi. Biz bul bilim ordalarynda aprobatsiiany bastaimyz. Synaq nátijesi boiynsha balalardyń latyn álipbiin qalai meńgerip jatqanyn, olarǵa qalai yńǵaily ekenin anyqtaimyz. Bul qarapaiym ǵylymi jumys, ministrlik munymen óte jaqsy tanys. Sondyqtan qandai da bir qiyndyqtar bolady dep oilamaimyn", —dedi Saǵadiev úkimet kýlýarynda.
Ministrdiń aitýynsha, latyn álipbiimen basylǵan oqýlyqtar kádimgi standartty oqý baǵdarlamasy siiaqty, erekshe ózgeris joq. Sondai-aq, ol aprobatsiia orta mektepterde júrgiziletinin atap ótti.
"Astanada aprobatsiia júrgizý úshin bes mektep tańdap alyndy. Balalar daiyn, oqýlyqtar bar…Qazir qandai synyptar ekenin naqty aita almaimyn, biraq 0 jáne 1 synyptardyń bary anyq", — dedi vedomsvo basshysy.
Aita keteiik, Astanada ótken Tamyz konferentsiiasy kezinde ministr Saǵadiev latyn grafikasy boiynsha sabaq beretin muǵalimderdi daiyndaý jospary jaiynda atqan. «Kelesi jyldan bastap 0-shi synyp tárbieshileri men muǵalimderdi daiyndaýǵa kirisemiz. Latynsha «Álippe» jáne kirillitsada «Býkvar» bazalyq oqýlyqtaryn daiyndaý jumysy júrip jatyr. Oqýlyqtar 2020-2021 oqý jylyna daiyn bolady», - dep atap kórsetti E.Saǵadiev.
