Bilim jáne ǵylym ministri Ashat Aimaǵambetov qala mektepteriniń beinebaqylaý kameralaryn Politsiia departamentteriniń janyndaǵy Jedel basqarý ortalyqtaryna jalǵaýdy tapsyrdy, dep habarlaidy QazAqparat.
«Barlyq qala mektepterindegi beinebaqylaý kameralary Politsiia departamentteriniń janyndaǵy Jedel basqarý ortalyqtaryna jalǵanýy tiis. Bul is internettiń sapaly bolýyn, qosymsha kameralar ornatýdy qajet etedi. Biraq basqa amalymyz joq», - dedi Ashat Aimaǵambetov.
Vedomstvo basshysy Ishki ister ministrligimen birlesken buiryq boiynsha barlyq beinebaqylaý júielerin sáikestendirý qajettigin atap ótti.
«Kórip otyrsyzdar, mektepterge ornatylǵan kameralardyń bir bóligi talapqa sai emes ekeni aityldy. Ásirese ornatqan jerdi durys tańdamaý, jazbany saqtaý merziminiń qysqalyǵy, videonyń sapasyzdyǵy siiaqty problemalar jii kezdesedi. Atalǵan kemshiliktiń bárin joiý qajet. Bilim oshaqtary barynsha arnaiy mamandandyrylǵan kúzetpen qamtamasyz etilýi kerek. Áýeli úlken mektepterden bastap, keiin shaǵyn jiyntyqty mektepterge kóshý qajet», - dedi Ashat Aimaǵambetov.
