Bilim jáne ǵylym vitse-ministri Ashat Aimaǵambetov «Nur Otan» partiiasynyń bastaýysh uiymdarynyń respýblikalyq forýmynda forýmda mekteptegi psiholog máselesin kóterdi, dep habarlaidy "Ult aqparat".
«Psihologtardyń búginde júktemesi úlken. Bir psihologqa 1000 bala keledi. Ol bir myń balamen qalai jumys istei alady? Sondyqtan búgin Úkimettiń 77-shi qaýlysyna ózgerister engizip jatyrmyz. Ekinshiden, psihologtardyń sapasyn arttyrý úshin tiisti kýrstardy ótkizýimiz kerek. Shetelden mamandar tartyp osy kýrstardy daiyndap jatyrmyz. Úshinshiden, jalaqy máselelsi. Ol grantta oqyp jatsa da mektepke kelýi ekitalai. Naryqta bolsa eki-úsh ese kóbirek aqsha tabady. Psihologtardyń jalaqysyn kóterý boiynsha Elbasynyń tapsyrmasyn oryndap, tiisti sheshim qabyldap jatyrmyz», - dedi Aimaǵambetov.
Forýmǵa qatysýshylardyń biri muǵalimderdiń de psihologiia týraly bilimin jaqsartý qajet ekeni týraly aitty.
«Aldaǵy ýaqytta psihologtardyń sanyn eki ese kóbeitkenniń ózinde de az bolady. Muǵalimderdi daiyndaityn ýniversitetterde pishologiia páni engen, biraq saǵaty az. Qazir aqparat aǵyny kóp bolǵan soń psihologqa muqtaj balalar sany jyl saiyn ósip keledi. JOO-da maman daiyndaityn kezde saýatyn kóterý qajet. Óitkeni árbir muǵalim psiholog bola bilýi kerek. Osy tóńirekte qandai jumystar atqarylyp jatyr?» - dep surady vitse-ministrden.
Ashat Aimaǵambetov bul suraqqa jaýap berip, barlyq muǵalimniń psihologiialyq quzyrettiligin kóterýdyń mańyzdy ekenin aitty.
«Ár muǵalim psihologiiany bilýi kerek. Sizdiń usynyńyz tolyǵymen qabyldanady. Biraq ta bul salany arnaiy, tereńinen biletin, balalarǵa kómektese alatyn psihologtar bolýy qajet. Birinshi muǵalimderdiń quzyrettiligin, ekinshi psihologtardyń sapasyn kóteremiz», - dedi Aimaǵambetov forýmda.
Osyǵan deiin ol oqýshylar men muǵalimderdiń júktemesin azaitý týraly aitqan bolatyn.
