QR Ishki ister ministri Erlan Turǵymbaev qorǵaný úshin shashatyn gaz ballondaryn satyp alý erejesine qatysty túsinik berdi, dep habarlaidy QazAqparat.
«Gaz ballondarynyń túrli sanaty bolady. Buryshty, kózden jas aǵyzatyn degen siiaqty túrleri kóp. Sondyqtan, biz sanatyna qarai jikteimiz. Dúken aralasyńyz, túr-túrin kóresiz. Bir bala mektepte ballon búrkip, búkil oqýshy ýlanǵan jaǵdailar bolǵan. Osyndai oqiǵalar bolmas úshin mektepke ballon alyp kirýge tyiym salamyz. Iaǵni, bul azamattardyń qaýipsizdigine tikelei bailanysty. Eń birinshi kezekte eshkim jaraqat almaǵany kerek. Ishki ister ministrliginiń basty mindeti de sol», - dedi ministr «Nur Otan» partiiasynyń alańynda ótken azamattardy qabyldaý sharasynan keiin.
Vedomstvo basshysy ózin-ózi qorǵaý úshin satyp alynǵan qarýdyń kóbi qylmysqa sebepker bolyp jatqanyn aitady.
«Esterińizde bolsa, biz travmatikalyq qarýǵa tyiym salǵan bolatynbyz. Iá, olar erkin satylyp keldi. Ony ózin-ózi qorǵaý úshin ǵana ustaidy degen ýájder bolǵan. Biz taldaý jasap kórdik. Travmatikalyq qarýmen 650 shabýyl jasalǵan. Arasynda kisi ólimi de bar. Tek bir jaǵdaida ǵana bul qarý ózin-ózi qorǵaý maqsatynda qoldanylǵan», - dedi ol.
Buǵan deiin habarlaǵanymyzdai, elimizde qarý satyp alýdyń jańa erejesi kúshine endi. Endi azamattar qarý satyp alý úshin ony satatyn dúkende kámelettik jasqa tolǵanyn dáleldeý qajet. Sondai-aq, sottalmaǵany týraly jáne meditsinalyq anyqtamalar usynyp, qarý ustaýdyń qaýipsizdik erejelerin biletindigin dáleldeýi kerek.
