Foto: primeminister.kz
Oqýshylarǵa mektepke hidjab kiip kelýge bolmaidy. Bul týraly Oqý-aǵartý ministri Ǵani Beisembaev málimdedi, dep habarlaidy Sputnik Qazaqstan.
Áleýmettik jelide oqý-aǵartý ministri Ǵani Beisembaevtyń hidjabqa qatysty jaýaby qyzý talqyǵa tústi. Sheneýniktiń túsiniksiz jaýabynan jurt oqýshy qyzdarǵa mektepke hidjab kiiýge ruqsat etildi dep túsingen.
Búgin Úkimet kýlýarynda jýrnalister Beisembaevtan osy máseleniń sońǵy núktesin qoiýdy surady. Ministr oqýshylardyń kiimine qatysty esh ózgeris engizilmegenin, balalar mektep formasymen júrýi kerek ekenin atap ótti.
"Konstitýtsiia boiynsha Qazaqstan – zaiyrly memleket. Mektep te zaiyrly bolyp sanalady. 2016 jyly bekitilgen oqýshylardyń formasy men kiimine qatysty buiryq bar. Ol ózgergen joq. Sondyqtan balalar mektepke oqýshy formasymen kelýi kerek. Bul balalardyń birdei bilim alýy úshin jasalyp otyr. Sondyqtan bul baǵytta ózgeris joq, bári zań aiasynda. Balalar mektepke belgilengen tártip boiynsha kelýi kerek", - dep málimdedi Beisembaev.
Demek oqýshyǵa mektepke hidjab kiip kelýge bolmaidy ǵoi dep naqtylady jýrnalist.
"Buiryq boiynsha formamen mektepke kelý kerek. Mektepke kelýdegi maqsat – balanyń sapaly bilim men sanaly tárbie alýy. Endi kóterip otyrǵan másele (mektepte oqýshylardyń hidjab kiiýi) muny sheshe ala ma? Birinshi kezekte biz negizgi maqsat pen adamdardyń qosymsha oiyn shatastyrmaýymyz kerek. Bala mektepte sapaly bilim men sanaly tárbie alýǵa mindetti. Ony ata-ana qamtamasyz etýge mindetti. Ol zańda belgilengen. Sondyqtan bárimiz zańdy oryndaýǵa mindettimiz", - dep tolyqtyrdy ministr.
