Foto: ashyq derekkóz
Abai oblysynyń Jarma aýdandyq politsiia bólimi mektep oqýshysynyń sýitsidin tergep jatyr, dep habarlaidy oblystyq politsiia departamenti.
"QR Qylmystyq kodeksiniń 105-baby 3-bóligi (Ózin-ózi óltirýge deiin jetkizý) boiynsha sotqa deiingi tergep-tekserý bastaldy. Qazirgi ýaqytta birqatar sot saraptamasy taǵaiyndaldy.
Qylmystyq-protsestik kodeksiniń 201-baby 1-bóligine sáikes, ózge málimetter, sotqa deiingi tergeý derekteri jariia etilmeidi", - delingen habarlamada.
Tergeý barysy oblystyq politsiia departamenti basshylyǵynyń erekshe baqylaýynda.
Aita keteiik, buǵan deiin Abai news Telegram kanaly eki oqýshynyń sýitsid jasaǵanyn, olardyń bireýi qutqarylǵanyn habarlaǵan bolatyn.
Tragediia Jarma aýdany Úshbiik aýylynda bolǵan. Boljam boiynsha joǵary synyp oqýshylary tarapynan býllingke ushyraǵan Aqtailaq bi atyndaǵy orta mekteptiń 9-synyp oqýshylary sýitsid jasaǵan. Olardyń bireýin qutqaryp úlgergen.
Kóz jumǵan jasóspirimniń synyptastarynyń aitýynsha, qaiǵyly oqiǵaǵa deiin 11-synyptyń oqýshylary olardy birneshe ret uryp, psihologiialyq qysym kórsetken.
