Elimizde mektep oqýshylarynyń kóktemgi demalysy 12 kúnge sozylady, dep habarlaidy "Ult aqparat".
«Mektep oqýshylarynyń kóktemgi demalysy 20-31 naýryz aralyǵynda – 12 bolady. 4-toqsan sabaǵy 1 sáýirde bastalady», - dep atap ótti QR Bilim jáne ǵylym ministrliginiń baspasóz qyzmetinen.
Sonymen qatar vedomstvo málimetinshe, 3-toqsanda 1 synyp oqýshylary úshin qosymsha demalys boldy. Ol 8-14 aqpan aralyǵynda 7 kúnge sozyldy.
Eske salaiyq, oqý jylynyń 3-toqsanynan bastap bitirýshi synyptar (9,11,12 synyptar) sanitarlyq-epidemiologiialyq talaptar saqtala otyryp, aralas oqytý (pánderdiń 70 paiyzyn – dástúrli formatta, 30 paiyzyn – qashyqtan) formatyna kóshirildi.
Sondai-aq QR Bas memlekettik sanitariialyq dárigeriniń jańa qaýlysyna sáikes, 1 naýryzdan bastap mektepterde bilim berý aralas formatqa kóshirildi. Oǵan sáikes, 1-5 synyp oqýshylary túgel mektepten oqi bastady.
