QR Bilim jáne ǵylym ministri Ashat Aimaǵambetov «Mektep oqýshylaryna vaktsina salyna ma?» degen suraqqa jaýap berdi, dep habarlaidy "Ult aqparat".
«Otandyq vaktsina klinikaǵa deiingi zertteýden, birinshi jáne ekinshi fazadan ótip, klinikalyq zertteýdiń sheshýshi úshinshi fazasyna keldi. Biz bárin hattamaǵa, halyqaralyq standartqa jáne talaptarǵa sáikes jasap jatyrmyz. Barlyq printsipter men barlyq normalardy saqtaýymyz kerek. Bul óte mańyzdy, óitkeni áńgime halyqtyń qaýipsizdigi jaiynda bolyp otyr, sondyqtan biz árbir rásim boiynsha barlyq talaptardy saqtaimyz. Naýryz aiynyń ortasynda bul vaktsinany shyǵaryp, azamattardy vaktsinalai bastaýdy josparlap otyrmyz.
Biraq bul jerde vaktsinany daiyndaýǵa qatysty ǵylymi máseleler Bilim jáne ǵylym ministrliginiń quzyretine jatatynyn, al vaktsinalaýdyń odan ári máseleleri ministrlik quzyretine kirmeitinin eske salǵym keledi», - dep jaýap berdi Bilim ministri tilshi suraǵyna.
Ministrdiń aitýynsha, mektep oqýshylaryn ekpe saldyrýǵa eshkim májbúrlemeidi.
«Eshkimdi májbúrlemeidi, májbúrlep te jatqan joq. Mektepterdegi meditsinalyq bólimdi birneshe jyl buryn Densaýlyq saqtaý ministrliginiń quziretine bergenbiz. Bul másele boiynsha da bizdiń áriptesterimizge júgine alasyz. Biraq, májbúrleý týraly taqyryp bolǵan emes», - dedi A. Aimaǵambetov.
