Oqýlyqtardy latyn qarpimen shyǵarýǵa qansha qarajat jumsaý josparlanyp otyrǵany belgili boldy, - dep habarlaidy Tengrinews.kz tilshisi. Bul týraly elektrondyq úkimet saityndaǵy qujatta aitylady.
Qujatqa sáikes, bul maqsatta 202 670,9 million teńge bólý josparlanyp otyr eken.
"Qazaq tilinde oqytatyn jalpy bilim beretin mektepterge arnalǵan barlyq oqý pánderi boiynsha, qazaq tilinde oqytpaityn mektepterge arnalǵan "Qazaq tili men ádebieti" oqý páni boiynsha latyn grafikasy negizindegi oqýlyqtardy qaita shyǵarý jáne olardy jergilikti atqarýshy organdardyń satyp alýyn uiymdastyrý - 202 670,9 million teńge", - delingen "Qazaq álipbiin latyn grafikasyna 2025 jylǵa deiin kezeń-kezeńmen kóshirý boiynsha is-sharalar jospary" qujatynda.
Bul baǵdarlamany júzege asyratyndar retinde BǴM, "Oqýlyq" RǴPO, baspalar, Astana, Almaty qalalarynyń, oblystardyń ákimdikteri kórsetilgen. Baǵdarlama, jospar boiynsha, 2019-2025 jyldar aralyǵynda júzege asyrylady. Júzege asyrý boiynsha jospar kestesi tómendegidei kórsetilgen:
Qujattyń skrinshoty Al latyn grafikasy negizindegi jańa Qazaq tiliniń úlken orfografiialyq sózdiginiń qoljazbasyn ázirleý jáne jasaýǵa 47,4 million teńge qarastyrylǵan. Bul sharany BǴM, A.Baitursynuly atyndaǵy Til bilimi institýty júzege asyrady.
Latyn grafikasy negizindegi jańa Qazaq tiliniń úlken orfoepiialyq sózdiginiń qoljazbasyn ázirleý jáne jasaýǵa 47,0 million teńge bólinedi. Latyn grafikasy negizindegi jańa Qazaq orfografiiasy boiynsha úlken anyqtaǵyshtyń qoljazbasyn ázirleý jáne jasaýǵa 28,5 million teńge jáne Latyn grafikasy negizindegi jańa Qazaq orfoepiiasy boiynsha úlken anyqtaǵyshtyń qoljazbasyn ázirleý jáne jasaýǵa taǵy 28,5 million teńge qarastyrylǵan.
Latyn grafikasy negizinde terminografiianyń ǵylymi negizderin ázirleý, terminologiialyq baza jasaýǵa - 47,5 million teńge.
Salalyq toponimiialyq jáne antroponimiialyq sózdikterdiń qoljazbasyn ázirleýge - 47,0 million teńge.
Latyn grafikasy negizinde Qazaqstan Respýblikasy ákimshilik-aýmaqtyq birlikteri ataýlarynyń jáne fizika-geografiialyq ataýlarynyń anyqtamalyǵyn ázirleýge - 37,9 million teńge.
Jańa úlken orfografiialyq, orfoepiialyq sózdikter men anyqtamalyqtardy shyǵarý jáne taratýǵa - 300 million teńge.
Latyn grafikasy negizindegi jańa Qazaq tiliniń úlken túsindirme sózdiginiń qoljazbasyn ázirleýge - 293,2 million teńge.
Jańa Úlken qazaqsha-oryssha-aǵylshynsha sózdiktiń qoljazbasyn ázirleýge 291,9 million teńge.
Munymen qatar, latyn grafikasyna kóshýdi eskere otyryp, jalpy orta bilim berý uiymdary oqytýshylarynyń biliktiligin arttyrý kýrstaryn uiymdastyrýǵa 10896,1 million teńge jumsalmaq eken. Bul baǵdarlamany da BǴM, "Órleý" BAUO AQ, Astana, Almaty qalalarynyń, oblystardyń ákimdikteri júzege asyrady.
Sondai-aq, Áleýmettik jelilerde blogerlerdi tartý arqyly túsindirý jumystaryn júrgizýge 462,6 million teńge bólingeli otyr eken. Osy turǵyda qazaq álipbiin latyn grafikasyna kóshirý boiynsha materialdardy áleýmettik jelilerde taratý barysynda paidalaný úshin arnaýly heshtegter jasaý josparda bar.
