QR Bilim jáne ǵylym ministri Ashat Aimaǵambetov mektep direktorlarynyń jalaqysy kóteriletinin málim etti, dep habarlaidy QazAqparat.
«Qazir mektep direktorlarynyń jalaqysy keibir muǵalimderden de tómen. Óitkeni pedagogtar óz sanattaryn kóterý arqyly ústemeaqylar alady. Sondyqtan, kóptegen direktorlyq vakansiialar bos tur. Bir mektepte 200 bala oqysa, kei mektepte 1200 bala bilim alady. Óz jumysyn tiimdi atqaratyn direktorlar bar jáne kerisinshe. Sondyqtan mektep direktorlaryna, meńgerýshilerge, ádiskerlerge qoldaý kórsetý qajet. Bilim jáne ǵylym ministrligi bul máseleni ústemeaqy jolymen sheshýdi qarastyryp jatyr», - dedi ministr búgin Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, jalaqyny kóterý kólemi differentsialdy jáne eńbek ótili men sanatqa tikelei bailanysty bolady. Birinshi sanat úshin eńbekaqyny 100% deiin kóterý josparlanyp otyr.
