2022 jyldan bastap mektep direktorlarynyń ornyn aýystyrý bastalady. Bul týraly QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Muǵalimderdi beiindi emes jumystardan, tekserýlerden bosatý is-sharalary qabyldanyp, materialdyq yntalandyrý eskerilgen. Ádep jónindegi keńester ótkiziledi. Jalpy, bul jumys jalǵasyp jatyr. Pedagogtardyń jumysqa qabyldaý júiesin de ózgerttik. Eger osy ýaqytqa deiin pedagogty direktordyń ózi qabyldai alatyn jáne belgili bir táýekelderdiń bolǵany da túsinikti. endi ózgertýler engizdik. Qazirgi ýaqytta pedagogtardy qabyldaý naqty ólshemderi bar biliktilik talaptar kózdelgen baiqaý arqyly júrgiziledi», - dedi ministr QR Prezidenti janyndaǵy Adam quqyqtary jónindegi komissiia otyrysynda.
Sonymen qatar ol biyl bilim berý uiymdary direktorlaryn taǵaiyndaýdyń jańa júiesi bekitilgendigin aitty.
«Osy jyldan bastap jańa institýt – direktorlardy aýystyrý institýty jumys istei bastaidy. Bizde bir mektepte 10 jyldan astam uzaq ýaqyt boiy jumys iseitin direktolar óte kóp. Búginde olardy yntalandyrý, aýystyrý qajettigi týyndap otyr. Sondyqtan tiisti zańnamaǵa ózgertýler engizilip, buiryq bekitildi. Kelesi jyldan bastap mektep direktorlaryn rotatsiialaý bastalady», - dedi Ashat Aimaǵambetov.
