Soltústik Qazaqstan jáne ortalyq óńirlerde direktorlar men olardyń orynbasarlarynyń tapshylyǵy máselesi týyndap otyr. Bul týraly QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat" ministrliktiń baspasóz qyzmetine silteme jasap.
«Direktorlar úshin jai ǵana muǵalim bolyp istegen yńǵaily. Direktorlardyń jaýapkershiligi joǵary jáne qaǵazbastylyq kóp, balalarmen jumys isteý deńgeii de ózgeshe. Bar másele – yntalandyrýda, iaǵni direktorlardyń ailyǵy muǵalimderdiń ailyǵynan tómen. Osy oraida jalaqyny 2 esege arttyrý direktorlar men olardyń orynbasarlaryna da qatysty bolmaq. Endigi kezekte direktorlar óz sheberlikterine bailanysty sanattarǵa bólinip, óz jalaqylaryn 2 esege, iaǵni 100 paiyzǵa arttyrý múmkindigine ie. Direktorlardy da qoldaityn bolamyz», - dedi A. Aimaǵambetov jýrnalisterge bergen suhbatynda.
