«Balaǵa laiyq» jobasyn jetildire túsý qajet. Bul týraly QR Oqý-aǵartý ministri Ashat Aimaǵambetov aitty, dep habarlaidy QazAqparat.
«Balaǵa laiyq» jobasy júrip jatyr, ol ary qarai jalǵasady. Mekteptegi ashanalar men ájethanalardyń jaǵdaiyn túbegeili ózgertýimiz kerek. Bizge kelip túsken aqparat jetkiliksiz. Meniń oiymsha, osyndai ǵana problema bar dep aita almaimyz. Problema odan kóp. Maǵan kelip jatqan aqparatqa sáikes, keibir mekteptiń basshysy osy aqparatty jibergeni úshin shara qoldanyp jatyr dep estidim. Eger osyndai máseleler dáleldenetin bolsa, onda biz óte qatań sharany bilim bóliminiń basshysyna da, mektep basshysyna da qoldanamyz. Aýyrýyn jasyrǵan óledi. Jasyratyn eshteńe joq. «Balaǵa laiyq» jobasy boiynsha ashanaǵa ne ájethanaǵa qatysty másele kelip tússe de eshkimdi jazalamaimyz. Biz mán-jaidy anyqtap, «myna máseleni jóndeńizder» dep tapsyrma beremiz. Eshkimdi jaýapkershilikke tartýdyń qajeti joq», - dedi Ashat Aimaǵambetov.
Sonymen qatar ministr «Balaǵa laiyq» jobasyn jetildirý qajettigin basa aitty.
Aita keteiik, Oqý-aǵartý ministrligine qarasty Balalar quqyqtaryn qorǵaý komiteti elimizdegi oqýshylarmen jáne ata-analarmen birlesip, mektep ájethanalary men ashanalaryndaǵy kemshilikterdi anyqtaý maqsatynda «Balaǵa laiyq» jobasyn bastaǵan edi.
