Meksikanyń Verakrýs shtatynda seisenbi kúni túnde dámhanaǵa jasalǵan shabýyl saldarynan 26 adam qaza taýyp, 13-i zardap shekti. Keibiriniń denesiniń 90% deiin kúiik shalǵan, dep habarlaidy "Ult aqparat" Mexico News Daily-ge silteme jasap.
Oqiǵaǵa kýá bolǵandardyń aitýynsha, jergilikti ýaqytpen 22:00-de shabýyl jasalǵan. 5-6 qarýly adam Koatsakoalkos qalasynyń ortalyǵyndaǵy barǵa kirip, adamdarǵa ata bastaǵan.
Keiin qaskúnemder ǵimaratqa ishinde janatyn suiyqtyǵy bar bótelkelerdi laqtyrǵan. Odan keiin barlyq evakýatsiialyq esikterdi jaýyp, ishinde adamdardy qaldyryp ketken.
16 er jáne 9 áiel adam ajal qushty. Qyzdar oiyn-saýyq mekemesinde bishi bolǵan.
Verakrýs shtatynyń gýbernatory Kýtlaýak Garsiianyń málimetinshe, bardyń iesin senbi kúni urlap ketip, basyn shaýyp tastaǵan.
Gýbernator qylmystyq bandanyń atalmysh mekemede esirtki satpaqshy bolǵanyn habarlady.
Osy jyldyń sáýirinde kórshi Minatitlan qalasynda dámhanaǵa jasalǵan osyndai shabýyldan 13 adam qaza tapqan edi.
